Një konflikt mes dy të rinjve, njëri nga fshati Zvirinë dhe tjetri nga fshati Leminot, Bashkia Maliq, ka përfunduar me përdorimin e thikës. Ngjarja ka ndodhur në fshatin Pirg, ku si pasojë e plagosjes ka mbetur i dëmtuar njëri prej të rinjve.
I plagosuri është transportuar me urgjencë në Spitalin Rajonal të Korçës, ku po merr trajtim mjekësor. Ndërkohë, policia ka identifikuar dhe shoqëruar në komisariat autorin e dyshuar të ngjarjes.
Grupet hetimore ndodhen në vendngjarje për zbardhjen e plotë të rrethanave.