AKSIDENT ME VDEKJE NE LUSHNJE!
Kryqëzimi i Savres vazhdon të marrë jetë njerëzish. Pika më e zezë e aksidenteve në rrugën nacionale Lushnje Fier këtë mbrëmje i ka kushtuar jetën një të moshuari. Shtetasi Hasan Selimi ishte duke kaluar autostradën me një karrocë dore kur është përplasur për vdekje nga një mjet tip ford. Përplasja ka qenë fatale për të moshuarin duke gjetur vdekjen e menjëhershme. Policia në vendngjarje ka ndaluar drejtuesin e mjetit dhe e ka shoqëruar në komisariatin e policisë Lushnje. Sipas të dhënave paraprake dyshohet së viktima ka dalë në autostradë dhe nuk ka përdorur mbikalimin dhe është goditur nga automjeti.