Mesnatën e djeshme përfundoi afati për depozitimin e listave për deputetë për subjektet zgjedhore që garojnë në zgjedhjet e 11 majit. Tanimë, listat janë zyrtare dhe informacionet e listës janë publike. Një ndër partitë pjesëmarrëse është edhe Nisma “Shqipëria Bëhet”, e drejtuar nga Adriatik Lapaj.
Siç vihet re edhe nga renditja, janë listuar një numër i madh kandidatësh për një parti të re e që merr pjesë për herë të parë në zgjedhje, siç është partia e Lapajt. Çudia me këtë parti është se kreu i partisë ka vendosur në krye të listës të atin.
Sipas renditjes në listën shumëemërore të depozituar pranë Komisionit Qëndror të Zgjedhjeve, në numrin e 30-të të listës është vetë kreu i partisë, kandidati Adriatik Lapaj, me atësi Ferman, ndëkohë që i ati, Ferman Lapaj është i pari në listë.
Kështu, Lapaj kandidon bashkë me të atin për zgjedhjet e 11 majit. Kush do të marrë më shumë vota?!/CNA