Duke folur për “Sportime”, mbrojtësi i Kombëtares Enea Mihaj nuk e fshehu dëshirën që trajneri Silvinjo ta kishte atë në fokus dhe ta ftonte në Europianin e Gjermanisë, i bindur se ai ka çfarë t’i japë ekipit kombëtar. Në intervistën e tij ai ka folur edhe për çështje të tjera veç Kombëtares, si aventurën e tij portugeze me Famalikaon, karrierën që pati te Paoku etj. Mbi gjithçka, ai i thuri elozhe Silvinjos për punën e mrekullueshme që ka bërë në krye të Kombëtares kuqezi. por aventura e tij me Famalikaon duket se rrëmben emocionin më të madh të mbrojtësit. “Jam i lumtur në Portugali dhe në skuadrën e Famalikaos. Kam ritëm konkurrues dhe jam duke u zhvilluar dita-ditës. Këto janë dy gjërat më të rëndësishme për një futbollist. Kisha disa propozime që ishin më të mira financiarisht, por doja të luaja në një ligë ku mund të rritesha dhe prandaj zgjodha Portugalinë”, theksoi për “Sportime” mbrojtësi Enea Mihaj.
/gazeta_sot