Një ngjarje tragjike ka ndodhur këtë të martë në fshatin Velçan të Pogradecit, ku një bari ka humbur jetën si pasojë e goditjes nga rrufeja.
Sipas informacioneve zyrtare nga Policia e Shtetit, rreth orës 10:00 të mëngjesit, 47-vjeçari L. Ç., teksa po ruante bagëtitë, është goditur nga rrufeja dhe ka ndërruar jetë në vend.
Ngjarja ka sjellë edhe humbje të konsiderueshme materiale, pasi si pasojë e goditjes kanë ngordhur rreth 20 krerë bagëti të imta.