Tensione të reja: Irani përmend bazën e MEK në Shqipëri mes paralajmërimeve të fundit
Mes rritjes së tensioneve në rajon, media pranë Korpusi i Gardës Revolucionare Islamike (IRGC) kanë përmendur mundësinë e veprimeve kundër objektivave që Teherani i konsideron të lidhura me “aktivitete armiqësore”, duke përfshirë edhe strukturën e Organizata Muxhahedine e Popullit të Iranit(MEK) në Shqipëri.
Bëhet fjalë për kampin Ashraf-3 në Manzë, pranë Tiranës, ku strehohen rreth 3 mijë anëtarë të kësaj lëvizjeje opozitare iraniane. Grupi ndodhet në Shqipëri që prej vitit 2013, pas një marrëveshjeje të ndërmjetësuar me mbështetjen e Shteteve të Bashkuara dhe Kombeve të Bashkuara, pas largimit nga Iraku.
MEK është themeluar në vitin 1965 si një lëvizje kundër regjimit të Shahut dhe më pas u përplas me udhëheqjen e re pas Revolucionit Islamik. Në vitet ’80, organizata operoi nga Iraku kundër Iranit, një kapitull që mbetet i debatueshëm.
Shtetet e Bashkuara e shpallën MEK-un organizatë terroriste në vitin 1997, por e hoqën nga lista në vitin 2012, duke argumentuar se kishte hequr dorë nga dhuna.
Deri më tani nuk ka asnjë konfirmim zyrtar për ndonjë kërcënim konkret ndaj territorit shqiptar, ndërsa autoritetet nuk kanë reaguar publikisht lidhur me raportimet e fundit. Situata mbetet në vëzhgim, në një kohë kur zhvillimet në Lindjen e Mesme po ndikojnë në klimën e sigurisë ndërkombëtare.