Drejtoria Vendore e Policisë Korçë ka bërë me dije se gjatë orëve të fundit janë zhvilluar disa operacione dhe veprime procedurale në kuadër të hetimeve për veprat penale të ndryshme në territorin e qarkut.
👮♀️ Arrestim për drogë
Specialistët për Hetimin e Narkotikëve kanë ekzekutuar masën e sigurisë “Arrest me burg” për shtetasen E. F., 31 vjeçe, banuese në Tiranë. Ajo është dënuar nga Gjykata e Korçës me 10 muaj e 21 ditë burgim, për veprën penale “Prodhimi dhe shitja e narkotikëve”, kryer në bashkëpunim.
💻 Procedim për shpërndarje fotosh fyese
Specialistët për Hetimin e Krimeve Ekonomike dhe Financiare kanë referuar materialet në Prokurori për shtetasen K. K., 27 vjeçe, e cila dyshohet se ka shpërndarë në rrjetet sociale disa foto me përmbajtje fyese të një 26-vjeçareje.
📱 Vjedhje në banesë
Nga shërbimet e Komisariatit të Policisë Korçë është shpallur në kërkim shtetasi F. B., 22 vjeç, banues në Vlorë, pasi dyshohet se ka vjedhur një aparat celular në banesën e një 33-vjeçareje.
🏗️ Ndërtim pa leje në Maliq
Policia e Maliqit ka proceduar penalisht shtetasin Y. S., pasi u kap duke kryer punime ndërtimi pa leje.
📄 Deklarim i rremë në Pogradec
Në Pogradec, shërbimet e Komisariatit kanë filluar procedim penal për shtetasen L. A., 46 vjeçe, banuese në fshatin Dunicë, pasi ka dhënë deklarim të rremë para Oficerëve të Policisë Gjyqësore.
Materialet procedurale i janë referuar Prokurorisë së Korçës për veprime të mëtejshme.