Kjo teknikë ndërtimi nuk mësohet në shkollë, nuk është as në ndonjë manual ndërtimtarie.
Këta 16-17- vjeçarë e kanë mësuar nga prindërit dhe gjyshrit, të cilët e kishin mësuar nga të parët e tyre… E kështu brez pas brezi…
Kjo vepër e mrekullueshme e Alvaro Beqirllarit, Ermelind Ermelint Shabanit dhe Sinuel Ismailit, ka një traditë 7-8- mijëvjeçare.
Në librat e profesorëve Frano Prendi, Adem Bunguri, Myzafer Korkuti e studiuesve të tjerë, shqiptarë e të huaj, vërtetohet se ndërtimi me drurë, thupra e baltë është përdorur në Neolit në shumë vendbanime të hershme në pellgun e ish-gjolit të Maliqit, si: Vashtëmi, Sovjan, Potgorie, Barç, Kuç të Zi etj.
Është befasuese të shohësh se si kjo teknikë e stërmoçme ka mbrritur e paprekur deri në ditët tona, tek brezi më i ri i sotëm, por duke parë se djemtë banojnë në Kuç të Zi, kuptohet që edhe kjo trashëgimi është në trashëgimitë e shumta autentike (duke filluar nga Gjuha Shqipe), që mbijetojnë prej Neolitit në kulturën shpirtërore dhe materiale të popullit Shqiptar.