🔹 Dhuna ndaj të miturës – procedohet penalisht shtetasi holandez
Pas publikimit në rrjetet sociale të një videoje ku shfaqej një burrë që tërhiqte për flokësh një vajzë të mitur në prani të një gruaje, Policia e Korçës identifikoi dhe shoqëroi personat në video. Nga hetimet rezultoi se autori i veprimit ishte babai i vajzës, shtetasi M. U., 33 vjeç, me shtetësi holandeze. Ndaj tij nisi procedimi penal për veprën “Keqtrajtimi i të miturit”.
Policia falënderon qytetarët dhe median për denoncimet dhe i fton të vijojnë të raportojnë çdo rast dhune apo paligjshmërie.
🔹 Aksident në Ersekë – i dehur në timon
U arrestua në flagrancë shtetasi Sh. M., 36 vjeç, nga Erseka, pasi në gjendje të dehur humbi kontrollin e automjetit duke dalë nga rruga. Ai dhe pasagjeri tjetër pësuan dëmtime të lehta.
Ndërkohë, një 17-vjeçar u procedua penalisht pasi u kap duke drejtuar mjetin pa leje drejtimi.
🔹 Vjedhje në minimarket dhe pompë uji – ndalime dhe procedime
Policia ndaloi tre të rinj nga Korça, M. H. (20 vjeç), një 17-vjeçar dhe A. K. (18 vjeç), të dyshuar për vjedhjen e një shume lekësh në një minimarket.
Gjithashtu, në fshatin Boboshticë, u procedua penalisht shtetasi Xh. K., 40 vjeç, për vjedhjen e një pompe uji në një biznes privat.
🔹 Armë të ftohta dhe thyerje mase sigurie në Devoll
Në fshatin Menkulas, gjatë një kontrolli, Policia sekuestroi një thikë në automjetin e shtetasit M. L., 31 vjeç, ndaj të cilit nisi procedimi penal.
Ndërkohë, shtetasi E. P., 46 vjeç, nga Biticka, u shpall në kërkim pasi theu masën e sigurisë “Arrest në shtëpi”.
🔹 Pogradec – kanosje me thikë, ndërtim pa leje dhe transport i paligjshëm i druve
Në Vërdovë, 47-vjeçari M. K. u procedua penalisht për kanosje me thikë ndaj një 32-vjeçari.
Ndërsa shtetasit A. B. dhe K. A. u kapën duke kryer punime pa leje.
Gjithashtu, A. T., 35 vjeç, nga Rrëmej, u procedua për transport të paligjshëm të 12 m³ lëndë drusore, që iu sekuestruan së bashku me automjetin.
🔹 Konflikt fizik dhe vetëgjyqësi në Kolonjë
Në fshatin Starje, shtetasit K. R. (33 vjeç) dhe S. C. (37 vjeç) u përfshinë në një konflikt fizik për motive të dobëta. Po ashtu, 37-vjeçari kërkoi me vetëgjyqësi dëmshpërblim nga tjetri për dëme të shkaktuara nga qentë e tij.
🔹 Pogradec – u kap me lëndë narkotike
Shtetasi A. T., 20 vjeç, nga Pogradeci, u procedua pasi gjatë kontrollit fizik iu gjet një sasi e vogël lënde narkotike, e dyshuar si kanabis.
🟨 Ngjarje e dyshuar për vdekje natyrale në Polenë
Rreth orës 23:30, në fshatin Polenë, është gjetur pa shenja jete në oborrin e banesës shtetasi P. V., 68 vjeç. Nga hetimet paraprake dyshohet për vdekje natyrale. Grupi hetimor po punon për sqarimin e plotë të rrethanave.